Psalm.
128.
En leet fa ksunga sei uf em vayk nuff an Jerusalem. Ksaykend is alli-ebbah es da Hah fircht, un in seim vayk lawft. 
Du esht di frucht es dei hend kshaft henn difoah; du zaylsht froh sei un's zayld goot gay mitt diah. 
Dei fraw zayld sei vi en fruchtboahrichah vei-shtokk, drinn in dei haus. Dei kinnah zayla sei vi yungi ayl-baym um dei dish rumm. 
Saynsht du, so vatt da mann ksaykend es da Hah fircht. 
Da Hah zayld dich saykna funn Zion; un du zaylsht sayna es es goot gayt fa Jerusalem awl di dawwa funn dei layva, 
un du zaylsht layva fa dei kinnah iahra kinnah sayna. Fridda sei uf Israel!