भजन.
136.
परमप्रभुयात सुभाय्‌ ब्‍यु, छाय्‌धाःसा वय्‌कः भिंम्‍ह खः, 
द्यःतय्‌ परमेश्वरयात सुभाय्‌ ब्‍यु, 
प्रभुतय्‌ परमप्रभुयात सुभाय्‌ ब्‍यु, 
वय्‌कलं जक अजूचायापुगु ज्‍या यानादी, 
वय्‌कलं थःगु बुद्धिं आकाश दय्‌कादिल, 
वय्‌कलं लःया च्‍वय्‌ पृथ्‍वी चकंकादिल, 
वय्‌कलं ततःधंगु जः दय्‌कादिल, 
न्‍हिनय्‌ शासन यायेत वय्‌कलं सूर्य दय्‌कादिल, 
चान्‍हय्‌ शासन यायेत वय्‌कलं तिमिला व नगुत दय्‌कादिल, 
वय्‌कलं मिश्रीतय्‌ न्‍हापा बूपिन्‍त स्‍यानादिल, 
वय्‌कलं इमिगु दथुं इस्राएलयात पित हयादिल, 
वय्‌कलं बल्‍लाःगु ल्‍हातं व चकंगु लपुं इमित पित हयादिल, 
वय्‌कलं लाल समुद्रयात ब्‍वथलादिल, 
अले इस्राएलयात लाल समुद्रया दथुं पारि हयादिल, 
फारो व वया सेनायात धाःसा लाल समुद्रय्‌ वांछ्‍वयादिल, 
वय्‌कलं थः मनूतय्‌त मरुभूमिइ लँ क्‍यनादिल, 
वय्‌कलं ततःधंपिं जुजुपिन्‍त स्‍यानादिल, 
वय्‌कलं नां बल्‍लाःपिं जुजुपिन्‍त स्‍यानादिल, 
एमोरीतय्‌ जुजु सीहोनयात स्‍यनादिल, 
बाशानयाम्‍ह जुजु ओगयात स्‍यानादिल, 
इमिगु देश वय्‌कलं थः प्रजायात सर्बय्‌ कथं बियादिल, 
वय्‌कलं थः दास इस्राएलयात वयागु सर्बय्‌ बियादिल, 
झीपिं लडाइँलय्‌ बूबलय्‌ वय्‌कलं झीत लुमंकादिल, 
वय्‌कलं झीत झी शत्रुतय्‌गु ल्‍हातं त्‍वःतकादिल, 
वय्‌कलं फुक्‍क प्राणीतय्‌त नयेगु नसा बियादी, 
स्‍वर्गयाम्‍ह परमेश्वरयात सुभाय्‌ ब्‍यु,