भजन.
131.
दाऊदया भजन, यरूशलेमय्‌ थहां वनेत हाःगु म्‍ये हे परमप्रभु, जिगु नुगः फुइँक्‍क च्‍वंगु मदु, जिगु मिखा नं तःधंछु मजू। तःधंगु व जिगु लागि थाकुगु खँ नापं जिं स्‍वापु मतया। 
धात्‍थें हे, जिं थःगु मनयात शान्‍त व सुम्‍क तयागु दु, दुरु त्‍वःतकूम्‍ह मचा थें खः, दुरु त्‍वःतकूम्‍ह मचा थः मांया मुलय्‌ सुम्‍क च्‍वंगु थें जिगु मन सुम्‍क च्‍वंगु दु। 
हे इस्राएल, आवंलि व न्‍ह्याबलें परमप्रभुयाके हे आशा तयाच्‍वँ।