भजन.
128.
यरूशलेमय्‌ थहां वनेत हाःगु म्‍ये धन्‍य खः परमप्रभुया भय काइपिं व वय्‌कःया लँपुइ जुइपिं फुक्‍क मनूत। 
छं थःगु कमाइ नइबलय्‌ छ लय्‌ताइ अले छन्‍त भिं जुइ। 
छंगु छेँय्‌ छिमि कलाः यक्‍व फल दुगु दाखमा थें, अले छिमि काय्‌ म्‍ह्याय्‌पिं छंगु टेबिलया छचाःखेरं जैतूनया चुलित थें जुइ। 
स्‍व, परमप्रभुया भय काइम्‍ह मनूयात थथे हे सुवाः दइ। 
परमप्रभुं छ म्‍वानाच्‍वँतले सियोनं छन्‍त सुवाः बियादीमा। छं यरूशलेम च्‍वन्‍ह्याःगु खनेमा। 
छं थः छय्‌-छुइपिन्‍त नं खनेमा। इस्राएलय्‌ शान्‍ति जुइमा!