भजन.
123.
यरूशलेमय्‌ थहां वनेत हाःगु म्‍ये हे स्‍वर्गया सिंहासनय्‌ च्‍वनादीम्‍ह परमप्रभु, जिं छि पाखे थःगु मिखा ब्‍वये। 
गथे दासं थः मालिक पाखे मिखा ब्‍वइ, अले दासीं थः मालिकनी पाखे मिखा ब्‍वइ, अथे हे छिं जिमित दया माया यानामदीतले जिमिसं छिपाखे, हे परमप्रभु, मिखा ब्‍वयाच्‍वने। 
जिमित दया यानादिसँ, हे परमप्रभु, जिमित दया यानादिसँ। जिपिं तसकं हे क्‍वह्यंकाः च्‍वनेमाःगु दु। 
दुधंफुधंपिनिगु पाखें जिमिसं हेबाय्‌चबाय्‌ याकाच्‍वने माःगु दु। अले तःधंछुया जुइपिनि पाखें हिस्‍याका च्‍वनेमाःगु दु।