भजन.
121.
यरूशलेमय्‌ थहां वनेत हाःगु म्‍ये पहाड पाखे जिं मिखा ब्‍वये, गनं जितः ग्‍वाहालि वइ? 
जितः ग्‍वाहालि स्‍वर्ग व पृथ्‍वी दय्‌कादीम्‍ह परमप्रभु पाखें वइ। 
वय्‌कलं छंगु तुतियात चुलुके बी मखु, छन्‍त बिचाः यानादीम्‍ह न्‍ह्यलं ब्‍वानादी मखु। 
स्‍व, इस्राएलयात बिचाः यानादीम्‍ह गुब्‍सं न्‍ह्यलं ब्‍वानादी मखु, अले न्‍ह्यः वय्‌कादी नं मखु। 
परमप्रभु छन्‍त बिचाः यानादीम्‍ह खः, परमप्रभु छंगु जव ल्‍हाः पाखे छन्‍त रक्षा यानादीम्‍ह खः। 
छन्‍त न्‍हिनय्‌ निभालं स्‍यंकी मखु, न त चान्हय्‌ तिमिलां हे। 
परमप्रभुं छन्‍त फुक्‍क मभिंगु खं बचय्‌ यानादी, वय्‌कलं छंगु बिचाः यानादी। 
छ दुहां वःसां पिहां वंसां परमप्रभुं छन्‍त न्‍ह्याबलें बिचाः यानादी।