भजन.
120.
यरूशलेमय्‌ थहां वनेत हाःगु म्‍ये दुःखया इलय्‌ जिं परमप्रभुयाके ग्‍वाहालि फ्वना, वय्‌कलं जितः लिसः बियादिल। 
हे परमप्रभु! मखुगु खँ ल्‍हाइपिं व ध्‍वंलाइपिं पाखें जितः बचय् यानादिसँ। 
अय्‌ फताहा, परमेश्वरं छन्‍त छु यानादी? छन्‍त मेगु अप्‍वः छु यानादी? 
वय्‌कलं छन्‍त सिपाइँया च्‍वामुगु वाणं अले च्‍यानाच्‍वंगु हेंग्‍वां सजाँय बियादी। 
धिक्‍कार दु जितः, छाय्‌धाःसा जि मेशेकय्‌ परदेशी जुयाः च्‍वने माल, अले केदारया पालतय्‌गु दथुइ च्‍वने माःगु दु। 
शान्‍तियात मयय्‌किपिनिगु दथुइ च्‍वनाच्‍वनागु यक्‍व दत। 
जितः ला शान्‍ति यः, तर जिं शान्‍तिया खँ ल्‍हाइबलय्‌ इपिं लडाइँ यायेत तयार जुइगु।