भजन.
93.
परमप्रभु जुजु खः। वय्‌कलं बल व गौरवया वसः फिनादीगु दु। पृथ्‍वीयागु जग बल्‍लाः व गुबलें लिगिलिगि सनी मखु। 
हे परमप्रभु, छिगु सिंहासन न्‍हापांनिसें दु। छि थः हे नं न्‍हापांनिसें दी। 
समुद्रय्‌ लबु दनावःगु दु, समुद्रया लबुया सः तस्‍सः जूगु दु, समुद्रय्‌ ग्‍यानापुक्‍क किसिद्वम्‍बः थहां वःगु दु। 
समुद्रया सः स्‍वयाः अले समुद्रया लबु स्‍वयाः नं, दकलय्‌ च्‍वय्‌ च्‍वनादीम्‍ह परमप्रभु शक्ति दुम्‍ह खः। 
हे परमप्रभु, छिगु नियम न्‍ह्याबलें दयाच्‍वनी, छिगु देगः सदांया निंतिं पवित्र जू।