भजन.
82.
आसापया भजन परमेश्वर स्‍वर्गया सभाया नायः जुयादी, द्यःतय्‌ दथुइ वय्‌कलं फैसला यानादी। 
“छिमिसं गुबलय्‌ तक अन्‍याय जुइक इन्साफ यानाच्‍वनेगु, अले दुष्टतय्‌गु पँलिनाच्‍वनेगु? सेला 
“मगाःमचाःपिं व मां बौ मदुपिन्‍त रक्षा या, चीमि व क्‍वत्‍यका च्‍वंपिनिगु न्‍याय या। 
बमल्‍लाः व मगाःमचाःपिन्‍त बचय्‌ या, इमित दुष्‍टतय्‌गु ल्‍हातं त्‍वःतकि। 
इमिसं छुं नं मथू, इमिसं छुं नं मस्‍यू, तर खिउँगुलिइ उखे थुखे जुयाच्‍वनी, पृथ्‍वीया फुक्‍क जग संगु दु। 
जिं धया, ‘छिपिं द्यः खः, छिपिं सकलें दकसिबय्‌ तःधंम्‍हय्‌सिया काय्‌पिं खः। 
अय्‌नं छिपिं मनूत थें सिनावनी, अले मेमेपिं शासक थें छिमिगु जीवन सिधइ।’” 
हे परमेश्वर दनादिसँ, पृथ्‍वीया न्‍याय यानादिसँ छाय्‌धाःसा छिं फुक्‍क जातितय्‌त अधिकार यानादी।