भजन.
70.
दाऊदया भजन, लय्‌ तइम्‍हय्‌सिगु निंतिं हे परमेश्वर! जितः बचय्‌ यानादिसँ। हे परमप्रभु, जितः ग्‍वाहालि यायेत याकनं झासँ। 
जितः स्‍यायेत स्‍वःपिं लज्‍या चाये मालेमा, अले इतिमिति कनेमा। जिगु दुःखय्‌ लय्‌तायाजूपिं लिज्‍यां वनेमा, अले मछालाः जुइमा। 
“हः” धकाः जितः लाय्‌बुयाजूपिं मछालाः आछु-आछु कनाजुइमा। 
छितः मालाजुइपिं धाःसा छिके लय्‌तायाच्‍वनेमा। अले छिं मुक्ति बीगु यःपिन्‍सं सदां थथे धयाच्‍वनेमा -- “परमेश्वर गुलि तःधं!” 
तर जि ला चीमिम्‍ह व छुं मदुम्‍ह मनू खः। हे परमप्रभु, छि जितः उद्धार याइम्‍ह व जिम्‍ह परमेश्वर खः। जितः ग्‍वाहालि यायेत याकनं झासँ।