भजन.
67.
लय्‌ तइम्‍हय्‌सिगु निंतिं -- तारया बाजं नापं। हे परमेश्वर, जिमित दया यानादिसँ, अले सुवाः बियादिसँ। जिमित थःगु ख्वाःया दयाया जलं खय्‌कादिसँ। सेला 
छिगु लँपुइ पृथ्‍वीइ च्‍वंपिं फुक्‍कं जुइफयेमा। छिगु उद्धारया शक्ति फुक्‍क जातियापिन्‍सं सीमा। 
हे परमेश्वर, जात जातितय्‌सं छितः तःधंकेमा, खः, फुक्‍क जात जातितय्‌सं छितः तःधंकेमा। 
देश देशयापिं मनूत लय्‌तायेमा, अले लसतां म्‍ये हालेमा छाय्‌धाःसा छिं जाति जातियापिन्‍त उत्‍थें यानाः शासन यानादी। अले देश देशयात लँ क्‍यनादी। सेला 
हे परमेश्वर, जात जातितय्‌सं छितः तःधंकेमा, खः, फुक्‍कसिनं छितः तःधंकेमा। 
पृथ्‍वीं अन्‍न सय्‌कूगु दु। परमेश्वर, झी परमेश्वरं झीत आशिष बियादीगु दु। 
परमेश्वरं झीत आशिष बियाच्‍वनादीमा। अले पृथ्‍वीया कुंकुलामय्‌ च्‍वंपिं सकल मनूतय्‌सं वय्‌कःयागु ग्‍याःभय काइ।