भजन.
23.
दाऊदया भजन परमप्रभु जिमि जवाः खः, जितः छुं मगाःमचाः जुइ मखु। 
वय्‌कलं जितः वाउँगु घाँसय्‌ थ्‍यनादी, वय्‌कलं जितः सफागु लःया पुखुलिइ यंकादी। 
वय्‌कलं जितः न्‍हूगु जीवन बियादी, वय्‌कलं थःगु नांया निंतिं जितः धार्मिकताया लँय्‌ यंकादी। 
न्‍ह्याथे हे खिउँसे च्‍वंगु लं वनेमाःसां जि छतिं हे ग्‍याये मखु, प्रभु! छाय्‌धाःसा छि जिलिसे दी, छिगु कथिं व तुतामं नं जितः ब्‍वलंकाबी। 
जिमि शत्रुतय्‌ न्‍ह्यःने छिं जिगु निंतिं भ्‍वय्‌ ज्‍वरय् यानादी, छिं जिगु छ्यं चिकनं अभिषेक यानादीगु दु, जिगु ख्‍वला जायाः भय्‌बी। 
जिं स्‍यू जिगु पलाः पतिकं छिं जितः माया व भिं यानाच्‍वनि। अले परमप्रभुया छेँय्‌ जि सदां च्‍वनेदइ।