भजन.
3.
दाऊदया भजन, दाऊदं थः काय्‌ अब्‍शालोमया थासं बिस्‍युं वंबलय्‌ हाःगु भजन हे परमप्रभु! जि शत्रुत गुलि यक्‍व दुगु। जिगु विरोधय्‌ गुलि मनूत दनावःगु। 
यक्‍वसिनं धयाच्‍वन– “परमेश्वरं वयात गुबलें नं रक्षा यानादी मखु।” सेला 
तर हे परमेश्वर! छि जिगु जवंखवं ढाल जुयाच्‍वनादीगु दु। छि जिगु गौरव खः, छिं हे जिगु छ्यं धस्‍वाका तयादीगु दु। 
जिं तःसलं परमप्रभुया नां काये, अले वय्‌कलं जितः थःगु पवित्र पर्वतं लिसः बियादी। सेला 
जि ग्‍वारातुलाः द्यने अले हानं दने, छाय्‌धाःसा परमप्रभुं जितः रक्षा यानादीगु खः। 
जितः प्‍यखेरं हय्‌कायेत स्‍वयाच्‍वंपिं द्वलंद्वः शत्रुत खनाः नं जि मग्‍याः। 
हे परमप्रभु, झासँ! हे जिमि परमेश्वर, जितः बचय्‌ यानादिसँ। जिमि शत्रुतय्‌गु न्‍यतालय्‌ दायादिसँ। दुष्‍टतय्‌गु वा त्‍वथुलादिसँ। 
परमप्रभुं रक्षा यानादी। छिगु सुवाः छिकपिनि मनूतय्‌त दयाच्‍वनेमा। सेला