भजन.
2.
जाति जातित छाय्‌ ग्‍वसाः ग्‍वयाजुइ? मनूतय्‌सं छाय्‌ म्‍वाःमदुगु जाः ग्‍वयाजुइ? 
पृथ्‍वीया जुजुत व शासकत परमप्रभुया विरोधय्‌ व वय्‌कलं अभिषेक याःम्‍ह मनूयागु विरोधय्‌ दंवइ, अले शासकत जानाः जाः ग्‍वयाजुइ। 
इपिं हालाजुइ, “इमिगु सिखः चफ्‍फुना छ्‍व अले न्‍यवः इमिगु त्‍वयाः वांछ्‌वया ब्‍यु।” 
स्‍वर्गय्‌ सिंहासनय्‌ च्‍वंम्‍ह न्‍हिलादी, परमप्रभुं इमित च्‍यूताः तकं तइ मखु। 
वय्‌कलं इमित तमं ख्‍यानादी, तमं वय्‌कलं इमित थुरथुर खाकादी। 
“जिं थःम्‍ह जुजुयात थःगु पवित्र पर्वत सियोनय्‌ पलिस्‍था याये धुनागु दु।” 
जुजुं परमप्रभुं धयादीगु खँ न्‍ह्यथनी, “परमप्रभुं जितः धयादिल– ‘छ जिमि काय्‌ खः, थौंनिसें जि छिमि बाः जुल। 
जिके फ्‍वँ जक, फुक्‍क जातितय्‌त जिं छंगु सर्बय्‌ यानाबी, फुक्‍क पृथ्‍वीयात छंगु यानाबी। 
छं नँया दण्‍डीं इमित शासन याइ, छं इमित चाया थलयात थें तछ्याइ।’” 
उकिं, हे जुजुपिं, बुद्धि दय्‌कि! पृथ्‍वीया शासकत, होश या! 
परमप्रभुया ग्‍याःभय कयाः वय्‌कःयात तःधंकि। अले थरथर खानाः न्‍ह्याइपुकि। 
वय्‌कःया काय्‌यात हनाबना ति। मखुसा वय्‌कः तंम्‍वयादी अले वय्‌कलं छिमित नाश यानादी। वय्‌कःया शरणय्‌ वंपिं धाःसा धन्‍य जुइ।