Zaburuw.
123.
Ala ta batoso yɛlɛnsira ta dɔnkiri. Ne bɛ ne ɲa kɔrɔta ka ele le flɛ, ele min siginin bɛ sankolo ta masaya ra. 
Jɔncɛ ɲa lɔnin bɛ a matigicɛ boro ra cogo min na, jɔnmuso ɲa lɔnin bɛ a matigimuso boro ra cogo min na, anw fana ɲa lɔnin bɛ Matigi Ala, an ta Ala ra ten, fɔ a ye na makari an na. 
Makari an na, Matigi Ala, makari an na; sabu dɔgɔyari ka an labɔ fɔ k’a dama tɛmɛ. 
Wasobagaw ta lɔgɔbɔri ka an labɔ, yɛrɛbonyabagaw ta dɔgɔyari ka an labɔ.