Ebvu-ọma.
125.
Ndu dakoberu Chipfu dụ g'úbvú Zayọnu, e tee nwubatadu enwubata; bya abụru úbvú, a-nọwaro jasụ l'ojejoje. 
Ọo g'úbvú nọ-pheru Jierúsalẹmu mgburugburu-a; bụ gẹ Chipfu a-nọ-pheje ndibe iya mgburugburu shita nta-a jasụ lẹ tuutuutuu lẹ mịimiimii. 
Ndu ẹjo-iphe taa bụkwaru ishi ndu pfụberekoto; ọdumeka bẹ ndu ono pfụberekoto ono e-yekwa ẹka l'eme ẹjo-iphe. 
Jiko Chipfu; menaarụ ndu ọma ree; mbụ ndu obu phẹ gụru ìphóró. 
Ọle iphe, bụkpoo ndu eshi ụzo, apfụduru nhamụnha bẹ Chipfu a-tụko ẹphe lẹ ndu eme ẹjo-iphe l'alị-a wofukọta. G'ẹhu-guu bụkwaru kẹ ndu Ízurẹlu.