Ebvu-ọma.
114.
Teke ndu Ízurẹlu shi lẹ Ijiputu fụta; mbụ teke oshilọkpa Jiékọpu shi l'ẹka ndu opfu phẹ eswe uswe lẹ nchị fụta; 
bẹ Jiuda byaru bya abụru onye dụru Chileke nsọ. Ndu Ízurẹlu bya abụru ndu o nwe enwenwe. 
Eze Ẹnyimu hụma iya bya eye ọkpa l'ọso; tẹme ẹnyimu Jiọ́danu dakọbe lashịa azụ. 
Oke úbvú nọdu apfụgba kẹ shọoshoo g'ebili. Úbvú nọdu apfụ kẹ karagidingu karagidingu gẹ nwatụru. 
Sụ-a; gụbe Eze Ẹnyimu; ?ị gbaru gụnu? Gụbe Jiọ́danu; ?bụ ole bụ k'ala azụ? 
Unubẹ oke úbvú; ?bụ gụnu bẹ unu gude apfụgba kẹ shọoshoo g'ebili? Unubẹ úbvú; ?bụhunu ole bẹ unu gude apfụ kẹ karagidingu karagidingu gẹ nwatụru? 
Eliphe l'ophu nmakwaa jiijiijii l'iphu Nnajịuphu; mbụ l'iphu Chileke kẹ Jiékọpu. 
Onye gbazeru mkpuma; ọ bụru okpuru; bya eworu alị, dụ epfu epfu mee; ọ bụru ishi nggele.