Ebvu-ọma.
113.
G'ajaja bụru kẹ Chipfu. Unubẹ ndu ejeru Chipfu ozi; unu jaa Chipfu ajaja. 
G'e tua Chipfu ẹpha shita nta-a jasụ l'ojejoje. 
Ọ gbaru g'e shi l'ẹka ẹnyanwu awajẹ jaa Chipfu ajaja jasụ l'ẹka ọoribaje. 
Chipfu parụ ẹka; ọ kakọta ọhamoha shii. O-gbu-nwịinwii ya nọ-ngokọta imigwe l'ophu. 
?Bụ onye bẹ aatụ eyeru Chipfu, bụ Chileke anyi; mbụ onye nọ l'aba-eze iya l'imigwe? 
Onye ewozeje onwiya alị g'ọ hụma iphe, nọ l'imigwe waa iphe nọ l'eliphe. 
Ookulije onye ụkpa l'urwuku ẹka ọ gwọru. Ọ nọdu ekulije onye adụdu g'ọ dụ iya l'ikpọzu ẹka ọ dabyiru. 
L'ọ bya eworu phẹ dobe; yẹe ndu-ishi aharu ẹnya nhamụnha; mbụ ndu-ishi ndu alị iya. 
Nwanyị, ata atsụdu ime bẹ ọokwabeje ùbvù l'ibe ji iya; mbụ mee ya l'ọ bụru nwanyị, ẹhu dụ guu, nwụshiru ụnwu gẹ gụnu. G'ajaja bụru kẹ Chipfu.