Ebvu-ọma.
15.
Gụbe Chipfu; ?bụ onye e-buru l'ibe ngu? ?Bụ onye dụ ịdu-agha e-buru l'úbvú ngu, dụ nsọ? 
Ọo onye enwedu ẹka ụta dụ iya l'ẹhu; bya abụerupho iphe, pfụru ọto bẹ ọonoduje eme; mbụ onye epfuje ire-lanụ, shi iya l'obu; 
mbụ onye ete evujedu nwibe iya nvu-azụ; ọphu o mejedu nwibe iya ẹji; tẹme ọphu opfubyishijedu nwibe iya epfubyishi. 
Onye akpọje ndu dụ Chileke ẹji ashị. Obenu lẹ ndu atsụ Chileke ebvu bẹ ọokwabeje úbvú. Onye abụjeru; o -ribua nte lẹ ya e-me iphe; l'o mee iphe ọbu; m'obeta o jee ebuta iya. 
Onye bụ; o -jie nemadzụ ụgwo; o too ledu ẹnya ntụkwase; ọphu oorijedu ụphalazu l'ishi ndu iswi dụ mma. Onye eme nno bẹ a ta byakpọdaa enwubata enwubata jasụru asụru.