Ebvu-ọma.
6.
Gụbe Chipfu; te egudekwa ẹhu-eghu baarụ mu mba! Te egudekwa ẹnya, ata ngu kpịtikpiti hụ̀a mu àhụ̀hù! 
Phụaru mu obu-imemini jiko Chipfu; kẹle mu eyifuwa eyifu. Mee g'ẹhu dụ mu ike; kẹle ẹhu mu l'ophu tụko aphụkota mu kparịkpari. 
Tẹme meji nọdu atọfukwa mu phọ atọfu. Sụ-a; gụbe Chipfu; ?bụkpoo a -nọo jasụ teke ole b'ịi-gbaru mu mkpu? 
Lwaphutanụ azụ Chipfu; bya agbafụta mu gẹ mu dzụru ndzụ. Phụnaaru mu obu-imemini; dzọ mu rọ! 
Kẹle; onye nwụhuru nụ ta anyataẹkwaru ngu. ?Bụ onye a-gbẹ l'alị-maa ekele ngu ekele? 
Mu tsụakwaru ude jasụ ike bvụ mu. Ẹnyashi mbọku-mbọku bẹ mu azẹje l'iphe-azẹe mu kwakọta ẹkwa mkpụrumkpuru. Ọphu ọ dụdu mbọku, a nọghajeru g'ẹnya-mini ta agba utso l'iphe, mu azẹje azẹe. 
Aphụ, tsọru mu nụ mewaru; mu raa ẹkwa aphụ ragaraga. O mewaru; ọphu mu aphụ-rweẹdu aphụ-rwe; ọ bụru iphe, ndu achị mu lẹ njọ kparụ. 
Unu tụko parụ mu haa; unubẹ ndu ono, eme iphe, adụdu ree ono; kẹle Chipfu nụmawaru olu ẹkwa mu. 
Chipfu nụmawaru arworwọ, mu rwọru iya. Epfupfu, mu epfu anụ iya rwuwaru iya nchị. 
G'e kpukwaa ndu ọhogu mu iphu lẹ ntụ; gẹ meji tọfukwa phẹ. G'ẹphe tsẹkwaa iphu ẹgwegwa gude iphere laphu azụ.