Ebvu-ọma.
3.
Oowaa Chipfu; ndu achị mu lẹ njọ paakwaru igwerigwe! Ndu wulihuru etso mu opfu bụkwa agụta agụta. 
Ndu epfuru mu nụ sụ lẹ Chileke ta adzọtadu mu pakwaphọ igwerigwe. 
Ọlobu Chipfu; ọ kwa ngu bụ onye egbobutajẹ mu nụ. Ọo ngu bụ onye emeje; l'aakwabẹ mu ùbvù; bya abụru ngu anọduje ekutse mu. 
Mu woliru olu mu raku Chipfu. Ọ gbẹ l'úbvú ono, o doberu nsọ ono zaa mu ẹnu. 
Mu zẹ-zeta kuru mgbẹnya; kua ya teta; kẹle ọo Chipfu gude ndzụ mu. 
Ụnubuku nemadzụ ugbo iri ono, kwakachaaru nọ-phee mu mgburugburu ono bẹ mu ta atsụkwa ebvu. 
Kwolihurọ Chipfu; Chileke mu; jiko dzọo mu rọ! Chinaa ndu ọhogu mu ẹka lẹ nchị; chitsushia phẹ; l'i chishia ndu ẹjo-iphe eze l'ọnu. 
Ọo gụbe Chipfu adzọje nemadzụ. Gọnuru ọnu-ọma ngu nụ ndu nke ngu.