Egvu-Ọma.
130.
Egvu, aagụje teke eeje Jerúsalemu Mu nọ l'echi ebo iphe-ẹhuka raku ngu; nggụbe Ojejoje. 
Byiko Nnajiufu; nụnua olu mu. Ngabẹnuru mu nchị lẹ mkpu, mu echi anụ ngu. 
Ndẹge nggụbe Ojejoje; akwakọbeje ẹjo iphe onyemonye ọbule eme; Nnajiufu; ?bụ onye a-dụ ike vudo ngu l'ifu? 
Obenu l'ịiguje nvụ. Yọ bụru iphe ono meru iphe aatsụ ngu egvu. 
Mu nọwa ngabẹru Ojejoje. Mu nọwa l'ele ẹnya iya. Yọ bụru l'okfu iya; bẹ mu daru ngabẹru. 
Mu nọwa ele ẹnya Nnajiufu karia ẹge onye nche anọduje eche tẹ nchi bọhu-kebe; mbụ lẹ mu ka ole ẹnya Ojejoje mẹ l'ẹge ndu nche anọduje elebe ẹnya nchi-abọhu. 
Byiko Ízurẹlu; t'ẹnya unu nọdulwa l'ẹke Ojejoje nọ; kẹ l'ọ bụ iya bụ onye eyeje obu yenuka iya eyenuka; bụru iya agbafụtaje madzụ l'iphe dụ ẹji iya l'ọ ha. 
Ọ bụ yẹbedua l'onwiya a-gbafụtakota ndu Ízurẹlu l'iphe dụ ẹji, ẹphe meshiru l'ọ ha.