Egvu-Ọma.
121.
Egvu, aagụje teke eeje Jerúsalemu Mu paliru ẹnya; lee l'ugvu ugvu ono; bya ajị: “?Bụ awe bẹ ee-shi gbaaru mu mkpu?” 
Ọ bụ Ojejoje, bụ iya meru igwe; mee mgboko a-gbaru mu mkpu. 
Ẹ too kwekwa t'ẹturu chia ngu. Onye ono, eche ngu nche ono; bẹ mgbẹnya te erokwa. 
Onye ono, eche ndu Ízurẹlu nche ono te enwekwa lẹ mgbẹnya abya iya l'ẹnya; k'ọphu ọ bụru k'ekuru iya. 
Ọ bụ Ojejoje eche ngu nche; bụru iya bụ agu, kpuchitaru ngu nụ. 
Ẹ to nwedu iphe anwụ eme ngu l'eswe; to nwe iphe ọnwa eme ngu l'ẹnyashi. 
Ojejoje e-me t'ẹ b'ọ dụ iphe e-me ngu nụ; bụru iya a-nọdu eche ndzụ ngu. 
Ojejoje a-nọdu edu ngu l'ejeje; l'edu ngu l'alala; tsube nta-a jeye lẹ tutu yoyo.