Egvu-Ọma.
113.
T'ajaja bụru kẹ Ojejoje. Unubẹ ndu ejeru Ojejoje ozi; unu jaa Ojejoje ajaja. 
T'a jaa Ojejoje ajaja; tsube nta-a jeye lẹ tutu yoyo. 
T'a jaa Ojejoje ajaja; tsube l'ẹke ẹnyanwu ahatajẹ jeye l'ẹke ọodaje. 
E woliru Ojejoje; yọ kakọta iphe bụ mbakeshi; ọdu-biribiri iya anọ-ngokota imigwe l'ọ ha. 
?Bụ onye bẹ aatụ eyeru Ojejoje, bụ Nchileke ayi; mbụ onye nọ l'aba-eze iya l'imigwe: 
mbụ onye ẹnya eruje alị; t'ọ phụ iphe eme l'igwe; mẹ ọphu eme lẹ mgboko? 
Ọokwo-lije onye ụkpa l'ẹke ọ gwọru l'ẹja; palia onye ẹ ta dụdu ẹge ọ haru iya l'ikpọzu ẹke ọ daburu. 
Yọ bya eworu ẹphe dobe; ẹphe le ndu oke amadụ abya aha ẹnya-nhamụnha; mbụ ndu ishi ndu alị iya. 
Nwanyi, ẹ-ta atsụdu ime; bẹ ọokwabeje ugvu l'ufu nji iya; mee ya; yọ bụru nwanyi, ẹhu dụ agu, mụshiru ụnwu l'igwe. T'ajaja bụru kẹ Ojejoje.