Egvu-Ọma.
93.
Ọo Ojejoje bụ eze. O yeru ọdu-biribiri oye uwe; bya egude agburẹhu kwaa onwiya ọkwa ngwa. Mgboko b'o meru kfụbe; yọ ngụru angụru. Ẹ to nwedu l'ọo-nọnyaa bya afọ-woo afọ-wo. 
Aba-eze ngu ngụhawaruru angụru tsube l'ede-nwede; nggụbedua eshiru l'ojejoje. 
Nggụbe Ojejoje; iphe bụ eze ẹnyimu gbeshiakwaru. Iphe bụ eze ẹnyimu enwuakwa kẹ dụkuduku. Iphe bụ eze ẹnyimu edeekwa ekiri. 
Obenu lẹ Ojejoje, bu l'igwe ha nshinu; k'ọphu bụ l'olu iya adaghataje mgbẹka, eze ẹnyimu anọduje echi; ọkpehu iya aka k'oke eyii eze ẹnyimu nshinu. 
Nggụbe Ojejoje; iphe ị tụru ọkpa iya; sụ t'e meje b'ẹ ta amịngadu amịnga. Iphe meru ụlo ngu; yọ dụ ugvu bụ l'ọ dụ nsọ; yọ bụru ẹge ono; bẹ ọo-dụ jeye lẹ tutu yoyo.