Egvu-Ọma.
82.
Egvu-ọma, Ásafu deru Nchileke batawaru lẹ ndzuko ndu ikpe; nọdu l'ẹke ono; tẹ ya kpee ẹphe ikpe. 
Ọ sụru ẹphe: “?Bụ teke ole; bẹ unu a-ha okpe ẹjo ikpe; haa okpe l'eyeru ndu akirishi? 
Unu hanụaru ndu ụkpa; mẹ ndu a tọru ogbe enge. Unu ekpeje ikpe, dụ mma l'ẹhu ndu ụkpa; mẹ ndu, aakpa ẹhu. 
Unu gbafụta ẹphe l'ẹka ndu akirishi!” 
Ẹ to nwedu iphe ẹphe maru; tọ dụ iphe edoje ẹphe ẹnya. Ẹphe anọduje adakpu adakpu l'ẹkpuru-ọchi. Ẹke a tụru ọkpa-alị mgboko l'ọ ha tụkookwaru anga anganga. 
Mu sụru: “L'unu bụtsukwa chi l'ẹhu l'ẹhu; unu l'unu ha bụkota ụnwu Ọkaribe-Kakọta-Nụ. 
Obenu l'unu e-mekochaa nwụhu ẹge madzụ mmakanụ anwụhuje. Unu e-mekochaa dashịa ẹge ndu ishi ọdo adashịje.” 
Gbalihu nggụbe Nchileke; kpee mgboko ikpe; kẹ l'iphe bụ mbakeshi bụkota òkè-iphe ngu.