Egvu-Ọma.
4.
Egvu-ọma, Dévidi deru nụ onye ishi egvu; t'a kpọru une ye iya Zanụa mu teke mu kuru ngu; nggụbe Nchileke mu, bụ onye doberu ẹka ndoo. Ị gbaru mu mkpu teke iphe-ẹhuka byaru mu. Byiko; phụnuaru mu imiko; nggu angabẹru mu rụ nchị l'ekfukfu, mu ekfu anụ ngu! 
?Bụ teke ole; bẹ unubẹ ụnwu eliphe a-ha ogude ugvu, a kwabẹru mu eme iphe-iphoro? ?Bụ teke ole; bẹ unu e-yeberu obu l'iphe ẹ-te nwedu ishi; mbụ woru onwunu haaru iphe ẹ-ta bụdu ọkpobe iphe? 
Unu makwaru lẹ Ojejoje fọtawaru ndu ọphu yeru iya obu doberu onwiya. Mu -kua Ojejoje; bẹ ọozajekwa mu. 
Unu be ekwekwa t'ẹhu-eghughu nwuru unu ye l'iphe dụ ẹji. Unu -zẹru azẹe; unu tọo nwẹhu rịa ya arịri; daa ashị. 
Tẹ ngwẹja, unu egwo anụ Nchileke bụjekwaru ngwẹja, dụ iya mma. Unu adakobeje Ojejoje. 
Ẹphe dụ l'igwe; mbụ ndu asụje: “Nggụbe Ojejoje; mebanuaru ayi iphe-ọma; mụnuaru ayi ọnu-ọchi!” 
Obenu l'ẹhu-ọtso-ẹna ọphu i yeru mu l'obu kakwa nk'ẹphe teke iphe ẹphe meberu l'alị mehuru ọhuma. 
Mu egudeje ẹhu-ọtso-ẹna laa l'ụlo; kua mgbẹnya l'ẹhu-agu; kẹ l'ọ bụ nggụbe Ojejoje nwẹnkinyi ngu; bụ onye emeje tẹ mu buru lẹ domangu rimangu.