Egvu-Ọma.
3.
Egvu-ọma, Dévidi deru teke ọogbalaru nwa iya, bụ Abusolomu Nggụbe Ojejoje; ndu ọhogu mu zakwaru l'igwe! Ndu, wụ-lihuru etso mu okfu abụru 'agụta agụta. 
Ndu, ekfu lẹ Nchileke ta adzọfutadu mu hakwa l'igwe. 
Obenu l'ọ bụ nggụbedua, bụ Ojejoje bụ onye egbobutaje mu nụ. Ọ bụ nggu bụ onye emeje t'a kwabẹ mu ugvu; bụru nggu emesaje mu ifu. 
Mu woliru olu mu raku Ojejoje. Yo shi l'ugvu ono, o doberu nsọ ono zaa mu. 
Mu azẹjeru azẹe kua mgbẹnya; tehu; kẹ l'ọ bụ Ojejoje gude ndzụ mu. 
Igweligwe ndu ono, kwagebetsuaru; nọ-phee mu mgburumgburu ono; bẹ mu ta atsụdu egvu. 
Nggụbe Ojejoje; byiko kwolihuru dzọo mu; kwolihu dzọfuta mu; nggụbe Nchileke mu! Hụ̀a ndu ọhogu mu àhụ̀hù; k'ọphu ike ta anọhedu ẹphe. 
Ọ bụ nggụbe Ojejoje adzọfutaje madzụ. Gọnuaru ndu nke ngu ọnu.