Psalms.
130.
APU DIOS, nahalman di kabulubulunak. Donglom anhan di dasal ku. 
Om Apu, donglom anhan di pumpahpahmokak ta baddanganak. 
APU DIOS, inilak an gulat na nin ta nomnomom am-in di liwat di tatagu ya maid di ohan adi makastigu. 
Mu he-a ya pakawanam di liwat, kinali mamodwong kamin he-a. 
Hahad-ok di pamaddangan APU DIOS ke ha-on te madinolak nah kinalinan baddanganak. 
Om, namahig di punhood kuh pamaddangan Apu Dios ke ha-on mu hay punhoodan di guwalyah kabiggatana. 
Ditakun holag Israel, mundinol takun APU DIOS te nunna-ud an munnananong di pamhod nan ditaku ya ongal di kabaelanan mangihwang ke ditaku. 
Makulug an hiya ya abuy mangihwang ke ditakun holag Israel hi am-in hi liwat taku.