Psalms.
124.
Dakayun holag Israel, nganne nin di naat ke ditaku hin ugge ditaku binaddangan ke APU DIOS? Mahapul an abuluton takun 
nunna-ud an impakapatte ditakun am-in hi buhul taku gapuh namahig an boh-ol da. 
Ta paddungnay nalting taku nah dimmakol an danum ot mianud taku. 
Kinali mumpasalamat takun APU DIOS te uggena in-abulut an dadagon ditakuh buhul taku. 
Paddungnay tinawang ditakuh buhul taku, mu binumtik taku te nabik-iy tawang da. 
Hay mamaddang ke ditaku ya hi APU DIOS an nunlutuh kabunyan ya luta.