Malakyas.
4.
Bata pa ni ĀPO a Manakabalin do Tābo a kāna, “Ītonchiw kangay no araw a kapangokom a mangsosoh a akmay gomilgilāyab a apoy. Do dāwrinchi a araw, tabo saw mapapangas kan mararahet, ki akma sanchiw garami. Masosohan sanchi, kan aba polos matokos dyira aran yamot mana īpi. 
Ki inyonchi a manganyib so ngaran ko, ranyagan inyo no kinalinteg a akmas no araw a domada kan mangyangay so kapaypipya do chinyel na. As mohtot kamonchi a masoyosoyot a akma siras orbon saw a bāka a maaryan a yapo do koral. 
Do dāwrinchi a araw a kapangokom ko, lasalasagan nyo sanchiw mararahet, kan akma sanchis ahbekaw do rapan kokod nyo. 
“Kanakmen nyo kan tongpalen nyo Linteg ni Moyses. Iya, ki pachirawatan ko a nanorohan ko siras pangeddeng kan kapangokom do Horeb a para dyirad tabo tawotawo no Israel. 
“Chiban nyo! Toboyen konchi dyinyo si propīta Elyas sakbay a marapit iyaw mabīlegaya kan makamwamomo a araw ni ĀPO. 
Paychachapyahen na sanchiw aāmang kan an-anak da sa, as komwan siraw an-anak dyirad aāmang da. Ta an dyi sa maysonong, mangay akonchi a mangitopak so abay do tana nyo.”