'Bŏi Calêu Plình.
136.
Manè pôi Chuaq beq, taiq Haq dìq jaq lem jang; Taiq can xa-ŏch xam manoh loq waq Haq ŏi i hloi hloi. 
Manè pôi Chuaq da chuaq; Taiq can xa-ŏch xam manoh loq waq Haq ŏi i hloi hloi. 
Manè pôi Chuaq da 'bài chuaq; Taiq can xa-ŏch xam manoh loq waq Haq ŏi i hloi hloi. 
Toq Haq raq broq loh 'bài bìac halac càn caiq, Taiq can xa-ŏch xam manoh loq waq Haq ŏi i hloi hloi. 
Haq khoi nhò can 'nì loq da Haq broq loh 'bài lòp plình, Taiq can xa-ŏch xam manoh loq waq Haq ŏi i hloi hloi. 
Haq hlèch taneh enh 'nhèq ca 'bài diac, Taiq can xa-ŏch xam manoh loq waq Haq ŏi i hloi hloi. 
Haq broq loh 'bài mat 'ngah ma càn, Taiq can xa-ŏch xam manoh loq waq Haq ŏi i hloi hloi. 
Haq broq mat mahì đòiq wèq cwìang dahì, Taiq can xa-ŏch xam manoh loq waq Haq ŏi i hloi hloi. 
Haq broq mat khê wa 'bài halŏng đòiq wèq cwìang jò da mang, Taiq can xa-ŏch xam manoh loq waq Haq ŏi i hloi hloi. 
Haq khoi jêh đac 'bài con ramua da gùng Aicàp, Taiq can xa-ŏch xam manoh loq waq Haq ŏi i hloi hloi. 
Haq 'ràng Is-ra-ên loh khoi ca jàn Aicàp, Taiq can xa-ŏch xam manoh loq waq Haq ŏi i hloi hloi. 
Capiang tì i cwìang itai da Haq hi hnhè 'noh, Taiq can xa-ŏch xam manoh loq waq Haq ŏi i hloi hloi. 
Haq pah Diac Raxìq Gòh loh trong lam, Taiq can xa-ŏch xam manoh loq waq Haq ŏi i hloi hloi. 
Haq 'ràng jàn Is-ra-ên lam cwa ta'ne diac raxìq aih, Taiq can xa-ŏch xam manoh loq waq Haq ŏi i hloi hloi. 
Mahaq Haq jêh Pha-ra-ôn wa dìq ca calùh lình haq loh ta Diac Raxìq Gòh, Taiq can xa-ŏch xam manoh loq waq Haq ŏi i hloi hloi. 
Haq 'ràng jàn Haq lam cwa braih càn, Taiq can xa-ŏch xam manoh loq waq Haq ŏi i hloi hloi. 
Haq jêh 'blêq 'bài bùa càn, Taiq can xa-ŏch xam manoh loq waq Haq ŏi i hloi hloi. 
Haq jêh đac 'bài bùa i 'bang tìang, Taiq can xa-ŏch xam manoh loq waq Haq ŏi i hloi hloi. 
Aih Sihôn, bùa jàn A-mô-rit, Taiq can xa-ŏch xam manoh loq waq Haq ŏi i hloi hloi. 
Wa Ot, bùa Basan, Taiq can xa-ŏch xam manoh loq waq Haq ŏi i hloi hloi. 
Haq yŏc gùng wì aih am dèh ca jàn broq xôxech, Taiq can xa-ŏch xam manoh loq waq Haq ŏi i hloi hloi. 
Aih xôxech ca Is-ra-ên, la hapŏng Haq, Taiq can xa-ŏch xam manoh loq waq Haq ŏi i hloi hloi. 
Haq hmàng trùh bìac ùh nèn da nhèn, Taiq can xa-ŏch xam manoh loq waq Haq ŏi i hloi hloi. 
Haq dŏih nhèn claih khoi enh mangai ma ta 'blêq ca nhèn, Taiq can xa-ŏch xam manoh loq waq Haq ŏi i hloi hloi. 
Haq hadai am dahwèq caq ca rìm ngè i hihèm, 
Manè pôi Boc Plình da 'bài lòp plình! Taiq can xa-ŏch xam manoh loq waq Haq ŏi i hloi hloi.