भजनमैं.
110.
दाऊदए भजन घ्रि। “ङइ क्हिए शत्तुरमैं क्हिए प्हले न्होंर आप्लेन् समा क्हि ङए क्योलोउँइ टिद्,” बिसि याहवेहजी ङए प्रभुने बिइमुँ। 
“क्हिजी भोंन्ले ग्याल्स लब सियोनउँइँले ल्हें क्ल्ह्‍योर फेनेरिगे,” बिसि याहवेहजी क्हिलाइ हग पिंब्मुँ। “क्हिए शत्तुरमैंए फिर क्ल्हे लद्! 
क्हिजी नेल् त्हुबै त्हिंइर क्हिए म्हिमैं खेंमैंए सैंइ मैंसि नेबै ल्हागिर न्हागर्न खब्मुँ। न्हाँगर्बै शीत धोंले क्हिए फ्रेंसिमैं सियोनए पबित्र कोंमैंर क्हि ङाँर खब्मुँ।” 
“मल्किसेदेकए पदरि क्हि खोंयोंन् बिलै खेगि तब्मुँ,” बिसि याहवेहजी कसम चइमुँ। खीए सैं फेर्दिरिब् आरे। 
ओ याहवेह, ङए प्रभु अधिकार किंसि क्हिए क्योलोउँइ टिम्; ह्रिस खबै त्हेर खीजी म्रुँमैं त्हुलफुँ लवाब्मुँ। 
खीजी ह्रें-ह्रेंमैंए निसाफ लमा ल्हें सिनुमैं खागु लब्मुँ; धै पृथ्बी तिगोंर्बै म्रुँमैं त्हुलफुँ लवाब्मुँ। 
खी म्रुँ तसि ग्याल्स लबै अधिकार योंब्मुँ; छले खी भोंब तसि शत्तुरमैंए फिर ट्होगों तब्मुँ।