भजनमैं.
100.
धन्यबाद पिंबै भजन घ्रि। ओ ताँन् ह्‍युलर्बै म्हिमैं याहवेहए मिंर सैं तोंदै कै तेसि ओरद्! 
सैं तोंदै याहवेह फ्योद्! सैं तोंबै क्वे प्रिंसि खीए उँइँर खो! 
याहवेहन् परमेश्‍वर ग बिसि ङो सेद्! खीजीन् ङ्योलाइ खीए म्हिमैं तल् पिंइ, ङ्यो खीलन् ग, छतसि ङ्यो खीए म्हिमैं नेरो खीए खर्गर्बै क्युमैं ग। 
धन्यबाद पिंदै खीए तगरउँइँले न्होंर होंन्, धै खीए मिं क्वेदै खीए ह्‍युमैंर ह्‍याद्! धै खीए मिं थेब् लदै धन्यबाद पिंन्, 
तलेबिस्याँ याहवेह स्वाब मुँ, खीए म्हाँया खोंयोंन् बिलै तरिमुँ, पुस्ता-पुस्ता समान् ङ्योइ खीए फिर भर लल् खाँम्।