भजनमैं.
82.
आसापए भजन घ्रि। स्वर्गर्बै म्हिमैंए च्होंर परमेश्‍वर टिइमुँ; देवतामैंए उँइँर खीजी निसाफ लम्: 
“खोंयों समा क्हेमैं अनिया लब्मैंए ख लरिमुँ? धै दुष्‍टमैं ङाँइन ल्हैदिरिमुँ?” बिइ। तिस्याँदे मैंन् 
“ङ्हाँदुमैं नेरो आबा आरेब्मैंल ठिक निसाफ लमिंन्; आयों-आख्युब्मैं नेरो आगुइ क्र ओलै आपिंब्मैंए रक्षा लमिंन्। 
आखाँब्मैं नेरो आयों-आख्युब्मैं जोगेमिंन्; दुष्‍टमैंए योउँइँले चमैंलाइ फ्रेमिंन्। 
क्हेमैंने ज्ञान आरे, क्होल् आखाँ, क्हेमैं मिछु खैबर प्ररिम्; ठिमइ बिब् धोंले आप्र। 
“क्हेमैं देवतामैं ग!” बिसि ङइ बिल। “क्हेमैं ताँन् भन्दा थेबै परमेश्‍वरए च्हमैं ग, 
दिलेया म्हिमैं धोंले क्हेमैं सिब्मुँ, धै चिब्मैं धोंले क्हमैं नास तब्मुँ।” 
ओ परमेश्‍वर, रेत्ति, पृथ्बीए निसाफ लमिंन्; तलेबिस्याँ ताँन् ह्रें-ह्रेंमैंए हग वाल क्हि ग।