JOB.
25.
Mi tana e sui nina goko a Job, me gokotugua a Bildad me tsaria, 
“Ma God aia e susuliga sosongo manana; ma niqira aqo na tinoni sui kara kukuni tania; aia e tagaovia na verana i gotu tana rago. 
?Me laka tangomana kesa ke tsokoraegira na angelo ara aqo vania aia? ?Me laka e totu sa nauna i tana e tau mararasia na mararana God? 
?Me laka tangomana kesa ke gotolaka saikesa nina sasaga me ke male saviliu i matana God? 
Mi matana aia, me atsa moa ti na vula maia e tau goto maka, migira na veitugu mara tau goto male saviliu. 
Me atsa vaga goto na tinoni, aia e vaga moa meri lê me utugana vanigotoa ke totu male saviliu i matana God.”