Zaburi.
67.
Kpwa chilongozi wa aimbadzi. Kpwa kuhumira vifwaya vya nyugbwe. Zaburi. Wira. Mlungu hulole na mbazi na hujaliye; hulole na mbazi, 
ili atu a dunia amanye vira ulondavyo, nao atu a mataifa gosi amanye kukala unativya. 
Atu a makabila gosi naakutogole uwe Mlungu, atu osi naakutogole! 
Atu a mataifa ganjina gosi naahererwe na kuimba na raha, mana anaamula atu bila ubaguzi na kulongoza chila taifa duniani. 
Atu a makabila gosi naakutogole uwe Mlungu, atu osi naakutogole! 
Tsi indavyala mavunoge, mana Mlungu wehu wahujaliya. 
Mlungu naenderere kuhujaliya; atu a dunia ndzima amuogophe.