Kawkanta.
121.
(Kanta ya angkantawen mintras ampako ha bali nin Diyos) Nanegteg ako ha bawbakil biha ko pinastang ya sarili ko nin ombayri: Ayri mangibat ya tambay kongko? 
Hay tambay kongko ay mangibat ha Pangino-on ya namalsa nin langit boy lotà. 
Agna payagan nin hika ay mapangno; hiya ya ampangasiwà komo boy hiya ay ahè ampamitiglep. 
Talagan hay ampangasiwà nin aw-inalalak ni Israyil ay ahè ampamitiglep o angkatoloy. 
Pangino-on ya ampangasiwà komo; hiya ay anti ha dani mo para mangi-atap komo. 
Hay amot nin hilà allo ay ahè makapangno komo; ombayro simpri ha hawang nin bowan no yabi. 
Ha kaganawan kapiligrowan ay Pangino-on ya mangasiwà komo; hiya ya mangasiwà nin biyay mo. 
Pa-ibat hapa-eg boy anggan makakanoman, Pangino-on ya mangasiwà komo maski ayri ka mako.