Yaŋ.
121.
N got jɔjaana paak; n sommir saa nyi lee ki baari? 
N sommir saa nyi Yennu nba nan sanpaak nan tiŋ na boore ki baar. 
U kan te fan baa; a guutɔɔ yɔɔ nyɔie, ki ki tiŋit. 
Israel teeb guutɔɔ ki tiŋit koo ki gɔɔnti. 
Yennu sii goriia; u be a boor ki sii guua. 
Yonpeeuŋ kan paana daŋ yonnu ni, ki ŋmaarik mun kan paana daŋ nyiɔku. 
Yennu saa nyinna ninbɔŋ kura ni; u saa dia-a nan laafia. 
U saa guura, a nyinu nan a kɔɔnu kur ni, mɔtana nan yoo nba kur waa.