Yaŋ.
120.
Maa be daamii ni yoo nba, n yiin Yennu-e, ki u turin gatu. 
Yennu, nyintin faak damm nan kpinkpannii damm nuu ni. 
Faak damm na, Yennu saa teeni nlee? U saa dat i tuba nlee? 
U saa jii kunkɔnkɔnna peenporimii nan musankɔɔnae ki dat i tuba. 
Maa be i boor na, li ton nan maa sii be Mesek tiŋ ni nae, koo nan Kedar teeb boor ni benu nae. 
N kɔɔ nan niib nba ki loon parmaasir ki li wei bonchiann. 
Mi-i piak parmaasir binbeŋ po, ŋamm tuu piak tɔb poe.