Yaŋ.
62.
N tee soonnae ki guu maa Yennu n tinnin, u niŋe ki n tinnu saa nyi. 
U kuukɔɔe guun, ki bia saa tinnin, ŋɔɔe tee n sommtɔɔ, ki n kan ban baa. 
I saa lek jɔɔ ki lin wei nlee? I kur na saa taan ki nyiauwa-a? U kaa paŋ nan joonkpeeuŋ nae. 
Yimme loon yin sikin u jirima, ki fa fai ki li mani, ki piak nyint piisin mɔmaan, ŋaan ki i para ni, ki i sat mɔtont ki teenɔ. 
N maa Yennu kuukɔɔ paake, u niŋe ki n mɔk dindann. 
U kuukɔɔe guun, ki bia saa tinnin, ŋɔɔe tee n sommitɔɔ, ki n kan ban baa. 
N tinnu nan baakir saa nyi Yennu boore, ŋɔɔe tee n guutɔɔ nba ŋan, ki tee n gungurboor. 
N niib, teent Yennu yada yoo kur, ki betɔ i daamii kur, kimaan ŋɔɔe tee ti sindandiiuk. 
Nisaarik tee nan wamaasin nae, li nijaana nan tarii kur kaa nyɔɔti. Fi-i jiib ki paan bikir paak, bi ki mɔk kpiasu, ki fukii nan wamaasin na. 
A daa tee yada a fatuk ni, a bia daa mɔk japaat nanyuk bona paaki. A mɔkint-i lekii pukin biaŋinba, ŋaan a daa maa li paaki. 
N gbat ki Yennu yet nan taar munŋaa nawa, a paŋ tee u yare, 
ki u lomm kaa gbennu. Barmɔnii, u saa pa sɔɔ kura u paauk nan u toona nba tee biaŋinbae.