Yaŋ.
54.
Yennu, jiin a paŋ ki tinnin, jiin a paŋ na ki ŋaan yann. 
Yennu, gbatir n miaru, ki gbiint n mɔmaan. 
Karinbaandamm fiir n paaka, ki nitont koor a bin kpin; ŋamme tee binba baka kaa nan fin Yennu na. 
Ŋaan barmɔnii, Yennu-e tee n sommtɔɔ. Ti Yomdaanɔe tee n fat-tɔɔ. 
Yennu n te ki n datai na toonbiit n ŋmat kii tee bi tubdatu. U saa boontib, kimaan u kasii binbeŋ na paak. 
Yennu, n saa mann parpeenn maruŋo ki tura. N saa pak ki dont a sann, kimaan a ŋan. 
A nyinnin n daamii kura niwa, ki n la ki n datai baa.