Yaŋ.
36.
Yanbɔmm piak nan nɔɔnbiit daanɔ u par niŋewa; U yêt Yennu, ki ki tiinɔ jaŋmaanii, 
kimaan u dont u mɔŋe, ki dukii nan Yennu kan bann u yanbɔmm ki biirɔ. 
Ki u mɔmaan tee nɔɔnbiit, ki gbee nan kpinkpannii, ki u ki fit tuun siar ki li tee subinii ki bia ŋani. 
Wuu be u dɔɔnu ni gbaa, u lorin bonbiire. U ki tuun siar ki li ŋani, u bia ki yêen linba ki ŋani. 
Yennu, a lomm nba be yoo kur na saa tuut sanpaake, ki a ŋant yat sanpagbant ni, 
ki a kasii binbeŋ na fɔk nan jɔjaana na, ki a barmɔnii buut sumii nan mɔkgbeŋa na, ki a dia nisaarii nan bonkobit a nuu ni. 
Yennu, a lomm nba kaa gbennu na ŋan, li nigbeŋa nan nibutimii kur gurin a kpinkpant maasue. 
Jeet nba ki a turit na, ŋanne ki ti di ti yamani. Ki a te ki ti nyu a mɔkir nba tee ŋant na ni nyun. 
A niŋe ki manfoor kur nyi. Ki a yentu nie ki ti laat yeenin. 
A ŋamm kii loon binba mia, ki bia tun ŋamm ki tur binba be kasii. 
A daa te ki karinbaandamm lekinimi, koo ki nɔɔnbiit damm na te ki n tiini. 
Gotir toonbiit damm nba baa dɔɔ, ki dɔɔ ki kan fit fiiri.