Yaŋ.
23.
Yennu-e tee n gotitɔŋanɔ, n laat linba kur ki n loon. 
U te ki n dɔɔ siaminba mɔk jeet, ki ŋmakitirin, ki n saa siaminba nyun be. 
U ŋammit teenin paŋ. U sanŋann paak, ki u ŋmakitirin sɔnjouk nba ŋan ni. 
Yennu, mi-i lekii somm baauk nba ki kuun yinyuŋ be na ni, n ki tiin jaŋmaanii, kimaan a be nanin ki dia a dammir ki teenin parcheenn, 
ki sent n jeet, siaminba ki n datai laatin. A gaarin saauŋ, ki n nyubitik gbee ki mɔ. 
N mi nan a ŋamm nan lomm sii yɔɔ be n boor, ki n sii be a ŋaak ni, n manfoor kur ni.