Yaŋ.
11.
N maa Yennu paake, ki u nyintin mukir ni. I tee jatite ki piak teenin a, “Yukit nan nɔɔŋ na ki do jɔjaana, 
kimaan biit damm jii bi tɔrbana ki be bunbɔnn ni ki tekin peenii a bin yek niŋamm na. 
Li-i tee ki bonsiar kur biir, niŋanɔ saa tee nlee?” 
Yennu be u kasii jiantu ŋasaakak ni. U naangbouŋ be yendɔuŋ ni, ki u gorii niib siar kur po, ki mi linba kur ki niib tuun. 
U bikii niŋamm nan biitdamm kure. U ki loon tubkangbata damm na. 
U sikint mupeenu nan sarwuuta nitont paak. U daar bi tuba nan wartouŋ nba koot bona nae. 
Yennu tee kasiie ki loon toonŋana. Binba tuun toonŋana sii tun be Yennu tɔɔnne.