Yaŋ.
6.
Yennu, daa jikit wutoor ki yakii nanimi. Daa jikit wutoor ki daar n tubiri. 
Yennu, ii mɔk ninbatinu n paak, kimaan n ki mɔk paŋi. Turimin paŋ, kimaan n bak bonchiann, 
ki n binbeŋ kur gbee nan daamii. A saa taantir n sommir po nlee? 
Yennu, baat ki tan tinnin, jiin a ninbatinu na ki nyinnin kuun ni. 
Sɔɔ ki tian a po kpeentiŋi, Ŋmee saa jianta kpeentiŋi? 
N bak nan parbiira, nyiɔk kur, n dindɔɔnu tuu pɔɔk ninnyuut nie. N ninnyuut tuu borik n yukpakitire. 
N ninbina mɔr piina, ki n ji ki nyɔɔni, kimaan n datai nba te ki n mɔ na paak. 
Seetir n boor ni man, yimm biit damm na, kimaan Yennu gbia n mɔŋ. 
U gbiin n bubuuk ki jiin sommir po, ki saa gat n miaruwa. 
Fei saa di n datai, ki bi mɔi n toŋ bonchiann, kimaan Yennu nba saa nyannib na paak. Bi saa ŋmat nan feie.