Yaŋ.
3.
Yennu, n mɔk datai bonchiann, binba kɔn nanin yab halii. 
Bi piak n po ki yeen a, “Yennu kan sommɔ.” 
Ŋaan Yennu, fine tee n sommtɔɔ, ninbɔŋ kur ni, fine teenin nyannu nan parcheenn. 
N yi Yennu-e ki loon sommir, ki u be u kasii kunkonn paak, ŋaan teenin gatu. 
N tuu dɔɔ nyiɔk ki gɔɔnt, ŋaan ki Yennu guume. 
N ki jee n datai tusaa tusaa nba kook lintin na. 
Yennu, baat. Tintin, n Yomdaanɔ. Dint n datai na biak, ki te ki bi daa mɔk paŋ nba saa paanin daŋi. 
Nyannu nyi Yennu boor nie. Wun teen piisin u niib paak.