JO.
25.
Mame Piutate, Sua pono a tozuhse, ynara tykase: 
“Ritonõpo jamihme mana. Imehxo aexiry senetupuhtone; Ritonõpo poe osepeme emero kapuaõkomo. 
Inenyohtyã tukuhse imepyny a tuhke toto ehtoh waro ehtohme? Ahno nae epona Ritonõpo ezuru saerehkara ro nae? 
Zae rokẽ ehsaromepyra sytatose Ritonõpo neneryme. Ahno nae, sero nono po tyyrypyhpyke pyra exiketyme? 
Ritonõpo a nuno roropa saerehkarahme sã mana. Xirikuato tõ roropa saerehkarahme sã mana. 
Naeroro otara ãko nae ahno poko, maikuato sã exiketyme? Otyme kure sytatou mukuku sã exiketõ Ritonõpo a?”